Ukrayina ve Rusiye arasında esirlerni 21000-ge 1000" şeklinde deñişüvniñ birinci qısmı olıp keçti, dep bildirdi prezident Volodımır Zelenskıy quralaynıñ 23-nde.
"Bugün 390 kişi. Cumaaqşamı ve bazar künleri deñişim devam etecegini bekleymiz", — dep yazdı Zelenskıy içtimaiy ağlarda.
Ukrayina prezidentiniñ aytqanına köre, "1000-ge 1000" şeklinde deñişim aqqında añlaşmanıñ birinci qısmı böyle etip yerine ketirildi:
"Bu añlaşma Türkiyedeki körüşüvde tizildi, ve onı bütünley yerine ketirmek müim".
Volodımır Zelenskıy, ileride böyle adımlar yapılması içün Ukrayina diplomatik işni devam etecek, dep qoştı.
Cenk esirlerine munasebeti koordinatsion ştabı, 270 arbiy ve 120 vatandaşnı azat etmege imkân oldı, dep bildire:
"Evge 270 qorçalayıcı qayttı, bular Ukrayina Silâlı quvetleriniñ arbiy hızmetçileri, hususan Arbiy deñiz quvetleri, DŞV, TRO küçleri, em de Ukrayina Milliy gvardiyası ve Ukrayina Devlet sıñır hızmetiniñ arbiy hızmetçileri".
Azat etilgen arbiyler Donetsk, Luğansk, Zaporijjâ, Harkiv, Herson yönelişlerinde, em de Çerniğiv, Sumı ve Kıyiv vilâyetlerinde cenk areketlerinde iştirak ettiler.
Bundan ğayrı, Ukrayina Silâlı quvetleriniñ Baş ştabınıñ malümatına köre, azat etilgenler arasında üç qadın bar.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.